Kampverten si hovudoppgåva er å syta for at kampen vert ei god oppleving for spelarane.

Å spela kamp er eit høgdepunkt for både store og små! Hausvik FK arbeider for at kampane skal ha trygge rammer som gjev gode opplevingar for alle involverte – både spelarar, trenarar, foreldre og dommarar.

Kampverten har ei sentral rolle på heimekampar og er klubben sitt ansikt utad i kampsamanheng. Oppgåva som kampvert vert gjort på omgang av foreldra.

Kampverten sine oppgåver:

Før kampen

• Sjekka at garderobar, bane og mål er i orden
• Ynskja velkomen til begge lag og dommar
• Oppmoda tilskodarane om å stå på motsatt side av laga og godt utanfor sidelinja.
• Bistå heimelaget sin trenar i å gjennomføra Fair play- møtet
• Bistå i å organisere Fair play-helsing før kampstart
• Ha kunnskap om kvar klubben sin hjartestartar er og ha telefon tilgjengeleg.

Under kampen

• Støtte dommaren og sjå til at reaksjonar mot dommar er rimelege
• Prate med dommar i pausen
• Oppmoda til gode og positive tilrop frå foreldre, og ta kontakt om nokon går over streken
• Sjå til at alle tilskodarar held seg to meter unna sidelina
• Oppmoda til positivitet frå trenarar/lagleiarar, både mot spelarar og dommarar

Etter kampen

• Bistå i å organisere Fair play-helsing
• Takker begge lag og dommar for kampen
• Sjå til at det vert rydda rundt bana etter kampslutt